Chibai Bûkna: Hmar Literature Society Assam

HMAR LITERATURE SOCIETY, ASSAM
(Hmar Sahitya Sabha, Assam)
Muolhoi, HAFLONG 788819, Dima Hasao District.

Ref. No. : HLS/Pres/2023/1a
Date: Haflong, the 18th October, 2023
Upa Vanlal Tluonga Bapui, D.Litt. (Honoris Causa), President

CHIBAI BÛKNA

New Delhi khawpuia unau sinthawtpui haiin e-journal ‘ṭobul’ ti hming puta insuo an tum thu kan lo hriet a, kan lawm hle a nih.

Hmar hai hi ei umna taphawta hnam le ṭawng tienga hmalakna mani phak tawk le thiem ang tawka nei nghal hlak ei nih a. Chuong ang tak chun, New Delhi khawpuia unauhai khawma e-journal insuo an tumna hi lawmpui um an ni el bakah hnam tadinga thil ṭha le thaw ding tak an thaw tum a ni leiin hlawtling taka an suksuok theina dingin ditsakna insâng tak kan inhlan nghal a nih.

Hi journal hi ṭawng humhalna le Hmar ṭawng sukhmasawn a ni theina dinga hmangruo ṭha tak ni dingin kan beisei a, ditsakna kan inhlan bawk a nih.

Hmar ṭawng hi India Hmar-saka State pali – Manipur, Assam, Meghalaya le Mizoram haiah recognized a lo ni tah a, State dang haia khawm a hung ni pei le India rama ṭawng pakhat a ni anga sukhmasawn a hung ni pei theina dinga hi e-journal hi hmangruo ṭangkai tak pakhat hung ni ngei ding khawmin ditsakna kan inhlan bawk.

Hmar Literature Society Assam aiawin.
(Upa Vanlal Tluonga Bapui)
President

Ṭobul, Volume I – Issue No. 01, Changer (October) 2023. An e-Journal of Hmar Literature Society Delhi.