Tobul

Milim ziektu pakhat hi a um a, a milim ziek mawi tâwka a ngâi ve chu khawlai dunga mi inlawn rawnna lai tak hin a tȃr a, a chunga chun “ANDIKNAWNA LE NALNAWNA HAI RȊN KUOL RAWH!” ti a tȃr a. A zînga a va en a, rînkuol tam tak a va hmu a. Chun, chu milim pângngâi bawk chu, a hmun pângngâia bawk chun a tȃr nȃwka. Tȗta ṭum chu “ANDIKNAWNA LE NALNAWNA HAI ZIEK ṬHA RAWH!” ti a tȃr lem tah a. A zȋnga chun a va en nȃwka, tȗkhawmin iengkhawm an lo sukdanglam nawh. Hi hi mihriem mizie laia pakhat a nih. Mi dang thilthaw sawisȇlna ding ei hmu rȃwna, sienkhawm a nȇka ṭha thaw le siemṭhat ruok chu ei pei ngai nawh. Hiemg ang mizie neitu bȋk ram le hnam khawm ei um naw a, rambung tin le hnam tina um mizie pakhat a na, mak ti bȇk bȇk ding khawm an nawh. Kum zabi sawmhni tȃwp tiengpang, 1970 le 1990 inkȃr lai, computer thiemna tieng khawvȇlin hma a hung sâwn pei khan khawvel mipui tamtakin a ṭhatnawna le a ṭium zie an khȇk puia, hmun tam taka lem chu nasataka dodȃl a nih. (computer thilthawtheina ei...

Delhi khawpuia hin Hmar țawng ziek dân indiktak hmanga thu le hla tienga insukhmasâwnna ding pawl indin nuomna hi mi țhenkhat lungrila hun sâwttak a inthawk khan a lo insieng tah a. Sienkhawm, hieng ang pâwl pawimaw indin hi nuom angrawkin a awl âi naw hle a, chuleiin, indin el thei lovin kum tȇl a liem a nih. Chuongchun, hun hung fe peiin tarik 4 Thlado (June), 2023 khan hieng tienga inhnikna nei mi mi 20 vȇl fekhawmin, Hmar Literature Society Delhi (HLSD) chu an lo indin ta a nih. Pawl indin a ni si chun a hmadawm dinghai ngaituo le siem a ngâia. Ţhuoituhaiin ngaituona an sawmkhâwm hnungin hmadawm ding tamtak, țhenkhat hma lâk nghâl țul chi, a țhen muongchânga hmalâk țȗl le la ngaituo nawn țȗlhai ziek suokin, a țhȇțhâwp a, chuongchun, hma a lâk țân mȇk a nih. Chu taka hmalâk nghâl țȗl nia hriet pakhat chu Hmar țawnga E-Journal siem thu a nih. Chanchinbu (magazine / jounal) siem ding chun a hming ding ngaituo a țȗl hmasataka, a hming ding khawm hming pângngâi el ni lo, a chanchinbu t...

Ţhalaihai, vânglai chênin, In lungril khawm hlim raw se, In lungril nuom zâwng zuiin, In thaw nuom nuom chu thaw ro, Sienkhawm in thaw ang peiin, Pathien khawmin in chungthu, Rêl a tih ti hre zing ro. In lungrila lungkhamna, In taksaa bawrsâwmna, A rêngin hlip thla vawng ro, In ţhat lai ni a tawi si a. I vânglaiin I Siemtu hre zing rawh. Thuhriltu 11:9-10; 12:1. Ei hriet seng angin vânglai hun hi mihriem huna ţhat lai hun tak a nih. Vawikhat tleirâwl hmai tlawr nei naw hai khawm, mani tâwka ei ţhat lai hun tak a nih. Nuhmei-pasal nei hma, in sȗnga lu nina le mawphurna la nei si lo, ei thengthaw lai hun tak a nih a. Hun rângkachak, hun pawimaw tak a nih. A hmasa taka hi indawnna hi siem ei nuom. Hi vânglaini hi iengtin am hmang ei nuom? Hmang nuom dân chi tam tak um thei a tih. Dit- thlangna chu ei kutah um a nih. Lal Solomon-in a hril ang hin ei nuom nuom ang ang thaw thei hun a nih. Amiruokchu, nuom ang ang thaw chu a tha dî’m? Nuom ang angin vânglaini hi hmang ta ang inla, hmang su...

Hmakhawsânga inthawkin Zohnathlâk chi hnam hrang hranghai hi mânia roinrêl le tû thuhnuoia khawm um ngâilo an nih a. A pahnam peia khawsain khuohai an sât a, khaw sâttû lal le a khâwnbawlhai chu an khuo peia dinga lû tak (supreme head) an nih. Vawisûn chena Zohnathlâkhai chengna hmunhai hi ei hang sui chieng chun Mizoram tieng nisien, Myanmar (Burma) ram tieng nisien, Manipur le Assam tienghai khawm a pahnam ang peia khuo lo sât hlak an nih. Entirna dingin Mizoram lê Myanmar inrina bul, Champhai lê a sevelhai a khin Zohnâthlak a khawm Hmar hnam sûnga pahnam hming khuo tam tak hieng, Zote, Thiek, Ngur khuo hai dam khi an nih. Chuong ang peiin Manipur sim thlang tienga Hmar khuohai khawm hi ei hang sui chieng chun ‘Chanchin Țha Mansapui Bangna’ ei ti hlak Senvon khuo hi Hmar pahnama Leirihai khaw sat a n'a, Parbung hi Khawbung hai khaw sât a ni ve thung a, Pherzawl khawm hi Lungtau-Infimate pahnamhai khaw sât a nih. Assam tieng ei hang en nâwk a, Dima Hasao (N.C. Hills) tienga Hmar ...

Ngaituonain mihriem hringnun hi nasa takin a lo ṭhuoi thei a nih. Mihriem hringnuna thil tlung hieng lungngaina le lawmna, a rinumna le a'n hawina hai po po hi a tam lem chu a tak ni lo, lungril ngaituonain a hring suok mei mei vawng an lo nih. Manî inringzona tlasam, mî phâk lo, mi hnuoihnung anga inngaina dâm hin mihriem hi ei nî ding ang ni phâk ta lovin a mi sie hnuoi thei a nih. Chu leiin ngaituona hrisêl tak put hi mihriem ta dinga thil ṭha le pawimaw êm êm el chu a nih. Invêt biling dêr ei ni ngawt naw chun mihriem hi siemtu Pathienin mi hnuoihnung bîka a siem ei um nawh. Ditsak bîk nei dêr loa thilthawtheina mak tak hi einia hin a mi phûm rûkpêk vawng a nih. A cho suok râwn râwnin an sawr ting el ding a nih. A thiem sa le a var saâ pieng hi tû nâu khawm an um naw vân khup hnuoiah. Saruok le kut ruoka pieng vawng ei nih. Zawng chawp le inchûk fâwma thiem le var chau ei nih. A zawng pei peiin hmu râwn an t'a, a'n chûk taima ma an thiem hrât el ding. Mî thiemna hi ...

Pro-Pastor, 3KM, Umrangso Thlado nî 15 zîngkar anthawk nasa takin ruo a sûr a, India Meterological Department in Dima Hasao a ruotui tamna hmunhai chu School châwl dingin thusuok a lo siem tasa hrim a nih. Keini khawm school kai thei ziezâng kan ni naw leiin châwl kan puong a. Hun thawveng tak ka nei pha leiin ka lawm hlê. Manipur buoina le inzawmin ngaituona kan vâk kuol tir a, Bible thu dâm, India ramah sawrkâr khâwl keivirtu hai agenda ramtin ka dâwnkhâwl a. Hlimên na ang elin ka hmaa chun fie deu uor hin ei ram hi hmu angin ka um a. LALPA INDONA ti chu ka na a anri deu chur chur ang hin ka hriet. Manipur buoina hi May ni 3 nî a inṭan tah, vawisun nî chen inkieng zai a la rêl nawh. Buoina thar suok le mithi zât le In raw chanchin hriet ding a la um zing. Buoina ei hmasuon mêk hi a namei naw hlê, thienghil nî reng um ta naw nih. 2020 khan Covid leiin mani ram (Manipur) tieng ei pan hûm hûm a, Fesuokna (exodus) ropui ei ti hiel a. 2023 ruok chun a letling a Fesuokna rûnpui (Counter ...

Khangbor, 9.2.1981 Zaiin chawi ka tih I sak hming Thingkunghmui, Tuk ram re ah suilung inruola, Ram țuontu beisei le inghatna I nih, Aw! I pawimawh ie tuk ram re ah. Ringumna thutiema ngirin, Thutak ban le inghatna ni la, I sakhmel mawi a ta, A hun taka chawimawi ning I tih. I sakhmel hi Ţing angin lo dum sienkhawm, Kei chun ‘hangnal’ hung ting ting ka ti che, Ringumna thutiema I ngir zing leiin, I ropuiin entawn tlak I nih. Hringmihaiin sakhmel ah hnawl sien che khawm, An hringna vawitam I sanhim a, Khambak sir ah ringum taka lo umin, Hringna hlutak I lo sanhim hlak. Suilung lawma Chep Chephai zai vawrna chu, Nang ngei hi I lo nih Thingkunghmui, Nangma zar ah lungphang lo ten țuon kan rel, Hringmi hraichawi zaleng ruolhai hin. Nang khawm sakhmel ah suong ding nei naw la khawm, Ringumna thutiem ah I ngir chun, Sin ropui le insang chu phur thei I ta, Malsawmna hlutak chang ngei I tih. Ṭobul, Volume I – Issue No. 01, Changer (October) 2023. An e-Journal of Hmar Literature Society ...

February 1982 Par mawi an hril chu Hmar tlâng Dingdi, Si-ar hming an hril Hmar-ar’si mawi, Kan hming a mawi kan in thang khawvelah, Hmar hraileng kan nih kan lawm ie. Hmar I ni leiin tlawmngai la, Hmar I ni leiin indik la, Hmar I ni leiin hmangai la, Hmar I ni suolna bansan rawh. Kan var, kan thiem, beisei an sang si, Sappui, kawrvai thluok kan ngai bik nawh, Kan lungril fiertui ang an thieng bawk si, Hmar hrai kan nih kan vangnei ngei. Hun-awl hmangthiema hnam rawngbawlin, Hnam danghai ruolțhaa siem peiin, Pi-pu nun țha le mawi kan chawisang, Hmar hrai leng kan nih kan hlim ngei. Siemtu mi pek ei țawng a mawi si, Ama inpakna’n zai rem ei ta, Krista lungril ang puta, țhangruolin, Ei ram par ang vul pei a tih. Hnam chauna le țhatnawna ngawt ei hril chun ei insukzuoia, mani hnam insitna le mi hnam ngaisang bik tlatna a um hlak. Pathien mi ruot le indin, ei hnam hi hmusit a um nawh a, insit ngai bawk naw mei niu. Ţhang la hung thar pei dinghai lai hin ei hnam insit a um naw zie hril...

HMAR LITERATURE SOCIETY, ASSAM (Hmar Sahitya Sabha, Assam) Muolhoi, HAFLONG 788819, Dima Hasao District. Ref. No. : HLS/Pres/2023/1a Date: Haflong, the 18th October, 2023 Upa Vanlal Tluonga Bapui, D.Litt. (Honoris Causa), President CHIBAI BÛKNA New Delhi khawpuia unau sinthawtpui haiin e-journal ‘ṭobul’ ti hming puta insuo an tum thu kan lo hriet a, kan lawm hle a nih. Hmar hai hi ei umna taphawta hnam le ṭawng tienga hmalakna mani phak tawk le thiem ang tawka nei nghal hlak ei nih a. Chuong ang tak chun, New Delhi khawpuia unauhai khawma e-journal insuo an tumna hi lawmpui um an ni el bakah hnam tadinga thil ṭha le thaw ding tak an thaw tum a ni leiin hlawtling taka an suksuok theina dingin ditsakna insâng tak kan inhlan nghal a nih. Hi journal hi ṭawng humhalna le Hmar ṭawng sukhmasawn a ni theina dinga hmangruo ṭha tak ni dingin kan beisei a, ditsakna kan inhlan bawk a nih. Hmar ṭawng hi India Hmar-saka State pali – Manipur, Assam, Meghalaya le Mizoram haiah recognized a lo ni ...

HMAR LITERATURE SOCIETY: MEGHALAYA SHILLONG Ref No. : Sec/HLS-M/23 (1) Date: 18th October, 2023 CHIBAI BÛKNA e- Journal (Thlathum dan peia) insuo ding a TOBUL ti thupuia hmangin Hmar Literature Society Delhi chun insuo dingin hma a lak mêk a nih ti ei lo hriet a, chibai bokna thu ziek dinga fielna kan lo hmu bawk leiin kan lawm tak zet. Ei tobul sui a lekhabu pawimaw tak khâwr pum, ei hnamin lungphum pawi maw le dit um tak ei siem suok ngei dingin hmalatuhai ditsakna insâng tak kan inhlan. Hmarhai hih hmakhawsânga ei nunphung, piengphung le mi zie indik taka inthawk a thlirin hla thu a inthawk a ei tobul suina a um meu nawh .Hmar chanchin suina ei hla "Sikpui inthang kan ur lai" ti nêka ei tobul an anna hun le inril hi ei la suisuok thei rî nawh a. Hi thu hi sie that le hum hal a, thei tâwpa ziek mi, ei mithiem haiin bêlchieng nâwkzuol thei dinga hma lâkna ei nei hi a pawi maw tak ni dinga ei hriet le ring a nih. Chuleiin ei Hmar tobul indik le bêlchieng dâwl lekhabu sie...