Hmar Book of the Year (2023) Huomsûng Suksei a Nih

Hmar Literature Society Delhi chun Hmar ṭawng suk vul, châwisang le suk hmasawnna dinga Hmar ṭawnga ziek Lekhabu Ṭhatak “Hmar Book of the Year” thlang dinga rawtna a siem chu mi thahnemngai ṭhenkhat a inthawk Hmar Book of the Year hi a vawikhatna a ni leiin a hun huomsȗng hi kum 10 bȇk nisien, chun, a hming ding khawma ‘Hmar Book of the Decade’ ti nisen ti thurâwn aum zeu zeu leiin Hmar Literature Society Delhi chun nguntaka a ngaituo hnungin “kum 2018 – 2023 sunga lȇkhabu ziek le tlângzara um” ti chu “kum 2013 – 2023 sunga lȇkhabu ziek le tlângzara um” tia sukdanglam ṭha a tia, amiruok chu, a hming dingin ‘Hmar Book of the Year’ ti chu a pângngaiin fe sien tiin a rȇl a nih.

‘Hmar Book of the Year’ thlang dan ding le lawmmanhai ruokchu sukdanglam a ni nawa, hieng chu a hnuoia ang hin nîng a tih.

1. Hmar ṭawnga ziek lekhabu hrim hrim – Pathien thu, khawtlâng le hnam thil, fâk-le-dâwn chungchang, tienami, thusep lawrkhawm, fiemthu, thuvar, hlasam (hla, a sama insam chi-peom) le a dang dang – pawm vawng nîng a tih.

2. Ṭawng / thmal hmang dan ah, Hmar Literature Society in a pawm, Hmar ṭawng ziek dân indik tak chau pawm nîng a tih.

3. Lekhabu ti a ni ang bawkin, a tlâwmtakah phȇk 50 bek a ni ding a nih.

4. Lekhabu chu ṭhataka khâwl (printing press) a sut a ni ding a na, chun, a kâwm (cover) khawm a mawitawk a siem a ni ding a nih.

5. Hmar Book of the Year hmasatak ding a ni leiin kum 10 sung, 2013 – 2023 sunga lekhabu sut le tlangzara umhai pawm nîng a tih.

6. Lâwmman:

(a) Book of the Year a puongin sumfai Rs 20,000/- le citation dawng a tih.

(b) Lekhabu ṭha panga dang (top 5) thlangsuoka umhaiin Rs 1000/- seng dawng an tih. 7. A thlang dân ding:

(a) Hmar ṭawng ziekmi le thiem mi panga (5) ruotin board / committee siem nîng a tih.

(b) Board / committee in a hnuoia inkhîna hmangin endik an tih:

(i) Mani âwmthusuok (originality) (ii) Ṭawng (language) hmang dân (iii) Lekhabu remkhawm (layout) dân (iv) Hmu dân tlângpui (general impression)

8. Lekhabu pȇklȗt dân ding: (a) Copy khat pek ding.

(b) A ziektu amani, a suttuin pȇk lȗt a phal ngei ti inentirnain “Hi lekhabu hi Hmar Book of the Year 2018-2023 a ṭhang dingin ka phalnaa pȇk a nih” ti ziekin a ziektu amani, a suttu annawleh, a ziektu/ sutta ai awthei pakhatakin a hming ziekin sign a ta, mobile number tarlangin a pek lut ding a nih.

9. Peklutna hun ding:

Thlatun (April) 30, 2024 chen pȇk lȗt thei nîng a tih.

10. Lekhabu pek lȗtna dinghai. An contact number-hai chu Mr Isaac Secy, HLSD kuoma indawn thei a nih.

i) Tuiṭhaphai – Pu Timothy Z Zote, Saikawt ii)

Hmar Tlangmawi (Hmar Biel) – Tv Hrilhmingthang Buhril, Parbung
iii) Hmar Phairuom (Vangai & Jiri) – Pu L Zailawm, B Huon Veng iv)

Cachar – Pu Lalringsan Darwngawn, Hmarkhawlien v) Dima Hasao – Pu Hlikam Riengsiete, Muolhoi vi) Aizawl – Dr Zoramdinthara
vii) Sinlung Hills – Pu L Sangzuala, Sakawrdai viii) Meghalaya – Pu Mangtinchung Hmar, Shillong ix) Guwahati – Pu Eric L Ralsun
x) Metropolitan (Delhi, Kolkota, B’lore, Mumbai, etc) – Tv Isaac Hmar, Delhi

Sd/- Mr Isaac Hmar, Secretary, Hmar Literature Society Delhi Mob: 8076593996 hmarisaac84@gmail.com

Ṭobul, Volume II – Issue No. 01, Tuolbuol – Thlaṭau 2024. An e-Journal of Hmar Literature Society Delhi.