Tobul

Upa V L Renga Hriler “I hmang ṭulnaa I hmangzo hnunga a bângkhâi kha siekhawl naw la; siekhawl ding siekhawl phawt la, a bângkhâi chu hmang lem rawh” Warren Buffet “Zote tikkawm” ti hi Zote pahnamhai tiksiet zie hrilna a nia, iengtika inthawka hmang ṭan am a nih ti ruok chu hriet a ni nawh. Sienkhawm, ei hriet thei chu Zoteha’n bâl an zel chun a kawr chau an hieka, a kawrah a tak a kawpsa naw leiin vawk khawmin an fâk nuom nawh an ti hlak. Hi lei hin Zote tikkawm ti hi Zote inrenthiem tina khawm a kawk a nih. Tu lai khawvel economy inherdanglem peia hin Zote Economic Policy hi ching chi tak niin an lang. Asan chu, inren thiem hi hausakna bulpui a ni leiin. Mi thilphalhai ngaisang an um lai zingin inrenna chang hre lova hmang zur zur hlakhai chu sawtnawtea an tlaram el hlak. Chuleiin, ei nei ang ang thiem tak le ṭangkai taka hmang thiem hi ei pawimaw takzet. Nei tam nekin nei ang ang hmang thiem ti hi a nih ei thupui ding chu. Charles Dicken a ziek David Copperfield lekhabu ah sum le...

Upa VL Renga Hriler (Suichiengna Ripawt) Hmar hi Hmar hi Zohnathlak ṭawnghai laia ṭawng mâwi pâwl tak le ṭawng hausa pâwl tak a nih. Ṭawng hausakna hi thu le hlaa târlang a ni hlak a. Khawvȇla ṭawng hausa ei tihai hi thu le hlâin an ṭawng hausakna nasatakin an pho lang hlak. Chuong ang bawkin Hmar ṭawng hausakna khawm hi hla tieng nasataka pho lang a nia, sienkhawm thu tieng ruok chu a khingbai hle thung. Thu tieng ei inhnuoi bȋk nasan hi ngaidân tamtak a uma, chuong ngaidânhai chu zâwna (questionnaire): a dawnna umsa, andik tak nia hriet thlangsuok (closed ended questionnaires) le a dawnna mâni ngâidân ziek (open ended questionnaires) ding hmangin chȋktaka suina online hamnga nei a nih. Hi zâwnahai hi mi 222 laiin an hung sukbita, an chunga ei lâwm takzet a nih. Tlâwmngaia hung sukbit tuha’n Hmar ṭawng ngȋrhmun thua ngâidân ṭhatak tak an neihai chu lakhawmin hi thusepa hin zieksuok ei tum a nih. Hmar ṭawng suichiengna thusepa ei lȗt hmain India ram state hrang hranga Hmar ṭawng hm...

Guest Editor: Upa VL Renga Hriler United Nations Educational, Scientific and Cultural Organisation (UNESCO) chun khawvȇla țawnghai hi ‘safe’ (him) ti le ‘extinct’ (mang, bo) tiin a țhea, țawng him (safe) ni si lo, mang (extinct) ni bawk lohai chu sawng li (four levels) hieng vulnerable, definitely endangered, severely endangered le critically endangered in a țhe nâwk a nih. A țhe dân chu hieng a hnuoia ang hi a nih:- (a) Vulnerable a tihai chu țawng ngîrhmun derthâwng; tlâkhnuoi tieng pan mȇkhai hi an nih. Hi țawnghai hi naupang le puitlinghaiin an la hmanga, sienkhawm hmangna hmun bîk an nei. An insȗnga le mani țawng hmang ve tho an ruolhai lai an hmanga, sienkhawm, hmun danga an suok amani, hnam dang lai an um pha chun țawng dang an hmang hlak. (aw) Definitely endangered a tihai chu țawng, naupanghai khawma insȗng dunga an hmang ta lo, amiruokchu, an la hrietthiem si, an nu le pa, pi le puhai leh inbieknaa an la hmang thei a nih. (b) Severely endangered a tihai chu țawng, naupang k...

Delhi khawpuia hin Hmar țawng ziek dân indiktak hmanga thu le hla tienga insukhmasâwnna ding pawl indin nuomna hi mi țhenkhat lungrila hun sâwttak a inthawk khan a lo insieng tah a. Sienkhawm, hieng ang pâwl pawimaw indin hi nuom angrawkin a awl âi naw hle a, chuleiin, indin el thei lovin kum tȇl a liem a nih. Chuongchun, hun hung fe peiin tarik 4 Thlado (June), 2023 khan hieng tienga inhnikna nei mi mi 20 vȇl fekhawmin, Hmar Literature Society Delhi (HLSD) chu an lo indin ta a nih. Pawl indin a ni si chun a hmadawm dinghai ngaituo le siem a ngâia. Ţhuoituhaiin ngaituona an sawmkhâwm hnungin hmadawm ding tamtak, țhenkhat hma lâk nghâl țul chi, a țhen muongchânga hmalâk țȗl le la ngaituo nawn țȗlhai ziek suokin, a țhȇțhâwp a, chuongchun, hma a lâk țân mȇk a nih. Chu taka hmalâk nghâl țȗl nia hriet pakhat chu Hmar țawnga E-Journal siem thu a nih. Chanchinbu (magazine / jounal) siem ding chun a hming ding ngaituo a țȗl hmasataka, a hming ding khawm hming pângngâi el ni lo, a chanchinbu t...