Tobul

Thupui hrilhawngna : “Ṭawng” ti chu mihriemin inbiektuona amanih thu le hla hril suokna a hmang, a ri hung suok, hriet theia um chu a nih. Chu chu hnam tinin an nei seng a, a hmangtu an um sȗng chun chu ṭawng chu a um thei a; a hmangtu an um ta naw ruok chun a bo thei. Chun, ṭawng hi bauva hmang ringawt chun a hung inthlȃk danglam thei hlak. Khawvȇlah ṭawng chi tum tum 700 chuong uma hril a nih a, ṭawng hi zieka sie a ni tah chun a bo/ȃn hmang ta ngai nawh a, hnam tin, rambung tinin an ṭawng seng chu ȃn hmang ta nawna dingin humhal tlat dȃn ding ngunthlȗk takin an ngaituo a, hmang an inzapui nawh a, ȃn hmang ta nawna dingin zieka sieṭhat a, ziek ṭawng an neihai chu hlutsak takin an enkawl a, chu ṭawng chu an humhal tlat hlak. Ei thupui ‘Ṭawng humhal le hlutsak’ in ei tinzawn tak, ei hril tum tak le humhal le hlutsak dinga ei zuk thursuok nuom tak chu HMAR ṬAWNG a nih. Hmar ṭawng chungchȃng hril le ziek ding chun ei ṭobul ei hriet thei chin amanih chanchinsuituhai, Historian haia int...