Ka Upat Chanpui Hai Kuoma Lekhathawn
Rev. Kh. Thang Dailo Kum 80 ka hung khel hnung hin taksa, lungril le hrietna tieng tlâksam ka hau ta em em el. Amiruokchu var(fing) hi ka lân ti em em el a. Ka lo tawnhrietta hai leiin - sie le ṭha hrietna, thil indik le diklo, ṭha le ṭhalo, thaw chi le thawlo chi hrietna ka nei ṭha ta hle in ka hriet. Chun mihriem nungchang ṭhatna ( moral conscience ) a khawm hin, ka la naupang deu lai nêk chun ka ṭha lem tah niin ka’n hriet bawk. Naupang le ṭhangthar haiin, “Tar invêt le ṭawmkai lo” an ti ka hriet chânging ka lo lungsen vâng hlak. Amiruokchu tulaia India rama thil tlung - Ṭhangthar ( Gen Z an ti) haiin Delhi khawpuia, Abhijeet Dipke rawia an party Cockroach Janata Party (C J P) hminga nuorna (protest) an thaw leia BJP sorkar hrat em em rorelna le India ram pumpui an sukhning el hin upahai ngirhmun le nina a suklang in ka hriet. Ṭhangthar ( Gen Z) hai pawimaw zie upalem hai hin ei hriet a, an thu le hlahai ngaithlâk le pawmpui a ṭul zie a min hriettir a. Hi Bible chang hi ka l...