1. Kumsul inher kawlni suokin,
Lenruol ngai hai parmawi min hlan;
Hlimzai vawrin thutin kan sir,
Zalenna ni kawl-eng thlirin.
Sam ang thena chawnban vuonin,
Dar anga intawng nawk di'n aw!
Tiin kan hlan lenruol ngaihai,
Dam takin le chibai mangțha !
2. Aw lenruol hai dawnkir ei tiu,
Muolzatam kar tluonglam hrawin;
Singkhuol changna lo hla sien khawm,
Hartharna ni kawl eng ding hi.
3. Khuonu'n mi huolhim tawn sien la,
Lenruol ngailai țhe hnung hai khawm;
Hun le ni hai inherliemin,
Insuikhawm zai rel nawk ei tiu.
4. Kokir thei sien ka nuom ngei aw !
Thehnung singkhuol lenruol hai chu;
A mawi si nawh kokir rel chu,
Mangțha el leh, dam takin aw !
Hi hla hi famta Pu Hmar Amo Lalrohlu in tarik ni 1 Tuolbuol, 1988 a Tui ṭhaphaia a phuok a nih. Ama, Pu HA Lalrohlu hi ram le hnam ta dinga mi ṭhahnemngaitak el anih. Hnam ta dinga theitawp suoa kal a pên mêk lai kum 1999 khan hun lo takin thina nunrawngin a herthlieka, ram le hnam ta dinga chânna ropuitak a nih.
Pu HA Lalrohlu hin Hmar ṭawnga suok kartin chanchinbu SHAN magazine editor mawphurna chelin magazine tiem inhawitak a ni hlak. Kum 1990 khan SHAN Weekly magazine chu nitin chanchinbua siemin , changtlungtakin a enkawl a nih. Pu HA Lalrohlu hin hla tamtak a phuoka, ṭhenkhat chu sak a hlaw hle a nih.
Pu HA Lalrohlu hin Hmar ṭawnga suok kartin chanchinbu SHAN magazine editor mawphurna chelin magazine tiem inhawitak a ni hlak. Kum 1990 khan SHAN Weekly magazine chu nitin chanchinbua siemin , changtlungtakin a enkawl a nih. Pu HA Lalrohlu hin hla tamtak a phuoka, ṭhenkhat chu sak a hlaw hle a nih.
